ரஜினிகாந்த் அரசியல் கட்சி தொடக்க உள்ளதாக கூறியபோது அவரை கடுமையாக விமர்சித்த சீமான் தற்போது 4 ஆண்டுகளுக்கு பின் அவரை சந்தித்து பேசியுள்ளார்.

ரஜினிகாந்த் அரசியலுக்கு வருவதாக அறிவித்த போது அதை கடுமையாக எதிர்த்தார் சீமான்.இந்நிலையில்,  நேற்று சீமான் ரஜினிகாந்தை அவரது போயஸ் கார்டன் இல்லத்தில் சந்தித்து பேசியுள்ளார். சுமார் 20 நிமிடங்கள் நடந்த இந்த சந்திப்பில், அரசியல் தொடர்பான பேச்சுகள் இருந்ததாக தகவல் வெளியாகியுள்ளது. மேலும், சீமான் பிறந்த நாளுக்கு அவரை ரஜினிகாந்த் நேரில் சந்தித்து வாழ்த்து தெரிவிக்க விரும்பியுள்ளார்.

அந்த சமயத்தில், நேரில் சந்திக்க முடியாத சூழல் இருந்ததால், தற்போது சீமான் நடிகர் ரஜனிகாந்தை அவரது இல்லத்தில் சந்தித்தாகவும் கூறப்படுகிறது. இதனிடையே விஜய் தொடங்கியுள்ள தமிழக வெற்றிக் கழகம் கட்சியுடன் சீமான் கூட்டணி அமைத்து தேர்தலை சந்திப்பார் என்று எதிர்பார்க்கப்பட்ட நிலையில், சமீபத்தில் அவர் தனித்து போட்டியிடுவதாக அறிவித்துவிட்டார். இதனால் 2026 சட்டசபை தேர்தலுக்கு ரஜினிகாந்த் ஆதரவை கேட்டுள்ளாரா சீமான் என்ற கேள்வியும் எழுந்துள்ளது.