மயிலாடுதுறை மாவட்டத்தில்  விவசாயிகள் குறைதீர்க்கும் நாள் கூட்டம் வருகிற 29-ஆம் தேதி நடைபெற உள்ளது என கலெக்டர் மகாபாரதி தெரிவித்துள்ளார்.

இது குறித்து அவர் கூறும்போது மயிலாடுதுறை மாவட்டத்தில் 2024 நவம்பர் மாதத்திற்கான  விவசாயிகள் குறைதீர்க்கும் நாள் கூட்டம்  கலெக்டர் மகாபாரதி தலைமையில் வருகிற 29-ஆம் தேதி காலை 10 மணியளவில் மாவட்ட கலெக்டர் அலுவலக வளாகத்தில் உள்ள கூட்ட அரங்கில் நடைபெற உள்ளது.இக்கூட்டத்தில் மயிலாடுதுறை மாவட்டத்தில் உள்ள அனைத்து முன்னோடி விசாயிகள் மற்றும் விவசாய சங்க பிரதிநிதிகள் அனைவரும் பங்கேற்று வேளாண்மை, நீர்ப்பாசனம், கால்நடை, கூட்டுறவு, மின்சாரம், வேளாண்மை பொறியியல்துறை, தமிழ்நாடுநுகர் பொருள் வாணிபக் கழகம், தோட்டக்கலை துறை ஆகிய துறைகளில் விவசாயம் தொடர்புடைய கருத்துகளை தெரிவிக்கலாம்.

மேலும், விவசாயிகள் குறைதீர்க்கும் கூட்டத்தில் பேச விரும்பும் விவசாய சங்க தலைவர்கள், விவசாய பிரதிநிதிகள் மற்றும் முன்னோடி விவசாயிகள் அனைவரும் கூட்டம் நடைபெறும் நாள் அன்று காலை 9.30 மணி முதல் பதிவு மேற்கொண்டு டோக்கன் பெற்றுக்கொள்ள கேட்டுக்கொள்ளப்படுகிறது.