கேரள மாநிலம் காசர்கோடு மாவட்டத்தில் அமைந்துள்ள பிரசித்தி பெற்ற நீலேஸ்வரம் அஞ்சுதம்புலம் வீரர்காவு கோயில் திருவிழாவில் நேற்று (அக்.28) நள்ளிரவு பயங்கர தீ விபத்து ஏற்பட்டது.

இந்த விபத்தில் திருவிழாவை கண்டுகளிக்க அங்கு திரண்டிருந்த பெரும்பாலானோருக்கு தீக்காயம் உண்டானது. சுமார் 150-க்கும் மேற்பட்டோர் படுகாயம் அடைந்திருப்பதாகவும், அவர்களுள் 8 பேர் கவலைக்கிடமான நிலையில் சிகிச்சை பெற்று வருவதாகவும் தகவல்கள் வெளியாகியுள்ளது.

திருவிழாவுக்காக பட்டாசு வெடிக்க அங்குள்ள ஓர் அறையில் வைக்கப்பட்டிருந்த பட்டாசுகளில் தீப்பற்றியுள்ளதே இந்த கோர விபத்துக்கு காரணமென முதற்கட்ட விசாரணையில் தெரிய வந்துள்ளது. அதில் ரூ. 30,000 மதிப்புள்ள பட்டாசுகள் தீயில் கருகியுள்ளன. உரிய அனுமதியின்றி பட்டாசுகள் வெடிக்க அவற்றை வாங்கி பதுக்கி வைத்திருந்ததும் விசாரணையில் தெரிய வந்துள்ளது. மொத்தம் 154 பேருக்கு தீக்காயம் ஏற்பட்டுள்ளதாகவும், தற்போது 97 பேர் மருத்துவமனைகளில் சிகிச்சை பெற்று வருகின்றனர் என்றும் அதிகாரிகள் தெரிவித்துள்ளனர்.