திருமலை திருப்பதி தேவஸ்தானம் (TTD) அறிவித்துள்ள தகவலின்படி, ஜூன் மாத ஸ்ரீவாரி ஆர்ஜித சேவை டிக்கெட்டுகள் மார்ச் 18, 2025 (செவ்வாய்க்கிழமை) காலை 10 மணிக்கு ஆன்லைனில் வெளியிடப்பட்டது. உலகப்புகழ்பெற்ற திருப்பதி ஏழுமலையான் கோவிலில் பக்தர்கள் தரிசனம் செய்ய விரும்பினால், உடனடியாக முன்பதிவு செய்யுமாறு அறிவுறுத்தப்பட்டுள்ளது.
அதன்படி ஆர்ஜித சேவை டிக்கெட் முன்பதிவுகள்: மார்ச் 18 (காலை 10 மணி): சுப்ரபாதம், தோமாலா, அர்ச்சனை மற்றும் அஷ்டதல பாத பத்மாராதன சேவைக்கான ஆன்லைன் முன்பதிவு தொடக்கம். இந்த சேவைகளுக்கான லக்கி டிப் பதிவு மார்ச் 18 முதல் மார்ச் 20 காலை 10 மணி வரை மேற்கொள்ளலாம்.லக்கி டிப் மூலம் தேர்ந்தெடுக்கப்பட்டவர்கள், மார்ச் 22 நண்பகல் 12 மணிக்குள் கட்டணம் செலுத்த வேண்டும். மார்ச் 21 (காலை 10 மணி): கல்யாணயோத்சவம், ஊஞ்சல் சேவை, ஆர்ஜித பிரம்மோத்சவம், மற்றும் சஹஸ்ர தீபாலங்கார சேவை டிக்கெட்டுகளுக்கான முன்பதிவு தொடக்கம். ஜூன் 9 முதல் 11 வரை நடைபெறும் ஸ்ரீவாரி ஜேஷ்டாபிஷேகத்தில் பங்கேற்க விரும்பும் பக்தர்களுக்கு, மார்ச் 21 காலை 11 மணிக்கு டிக்கெட்டுகள் கிடைக்கும்.

மார்ச் 22 (காலை 10 மணி): அங்கபிரதட்சிணம் டோக்கன் முன்பதிவு தொடக்கம். காலை 11 மணி: ஸ்ரீவாணி டிரஸ்ட் டிக்கெட்டுகள் வெளியீடு. பிற்பகல் 3 மணி: வயதானவர்கள், உடல் ஊனமுற்றோர் தரிசன டோக்கன்கள் வெளியீடு. மார்ச் 24 (காலை 10 மணி): ரூ.300 சிறப்பு தரிசன டிக்கெட்டுகள் பிற்பகல் 3 மணி: திருமலை மற்றும் திருப்பதி தங்குமிடங்களுக்கான முன்பதிவு தொடக்கம்.