தூத்துக்குடி மாவட்டத்தில் தபால் வாக்குகள் செலுத்தும் தேதிகள் அறிவிக்கப்பட்டுள்ளது.

தூத்துக்குடி பாராளுமன்ற தொகுதியினை சேர்ந்த பிற மாவட்டங்களில்; தேர்தல் பணிகளில் ஈடுபடுத்தப்பட்டுள்ள காவல் துறையினர், அத்யாவசிய பணியாளர்கள் தபால் முறையில் வாக்களிப்பதற்காக வாக்குச்சீட்டுகள் வழங்கப்பட்டுள்ளது. தபால் வாக்குச்சீட்டுகள் பெற்றுள்ள காவல் துறையினர் மற்றும் அத்யாவசிய பணியாளர்கள் தபால் வாக்கினை செலுத்துவதற்காக சிறப்பு வசதி மையம் தூத்துக்குடி மாவட்ட ஆட்சியர் அலுவலகத்தின் மூன்றாவது தளம், முத்தரங்கம் கூடத்தில் அமைக்கப்பட்டு, 15.04.2024 மற்றும் 16.04.2024  ஆகிய இரு தினங்கள் மட்டும் காலை 9 முதல் மாலை 5மணிவரை செயல்பட உள்ளது. 

இந்த சிறப்பு வசதி மையங்களில் வாக்கு செலுத்த வருபவர்களுக்கு சான்றொப்பம்  பெறுவதற்கு ஏதுவாக அரசிதழ் பதிவு பெற்ற அலுவலர்கள் நியமிக்கப்பட்டு தகுந்த காவல்துறை பாதுகாப்புடன் தபால் வாக்குகள் பெறப்பட உள்ளது. எனவே, தூத்துக்குடி பாராளுமன்ற தொகுதியில் தேர்தல் பணியில் ஈடுபடுத்தப்பட்டுள்ள, தபால் வாக்கு பெற்றுள்ள காவல் துறையினர்ஃ அத்தியாவசிய துறை சார்ந்த அரசு பணியாளர்கள் மாவட்ட ஆட்சியர் அலுவலகத்தில் 3-ம் தளத்தில் அமைக்கப்பட்டுள்ள மேற்படி சிறப்பு வசதி மையத்திற்கு  நேரில் வந்து தங்களின் தபால் வாக்குகளை செலுத்திடுமாறு கேட்டுக்கொள்ளப்படுகிறார்கள் என மாவட்ட தேர்தல் அலுவலர் தெரிவித்துள்ளார்.