‘லியோ’ படத்துக்குப் பிறகு விஜய் நடிக்கும் 68வது படத்தை வெங்கட் பிரபு இயக்கவுள்ளார். யுவன் இசையமைக்கிறார். இதனை படக்குழு அதிகாரபூர்வமாக அறிவித்துள்ளது. தற்போது லியோ படத்தில் நடிக்கும் விஜய் இப்படத்துக்குப் பிறகு விஜய் நடிக்கும் 68வது படத்தை இயக்குநர் வெங்கட்பிரபு இயக்கவுள்ளதாக ஏஜிஎஸ் தயாரிப்பு நிறுவனத்தின் கிரியேட்டிவ் தயாரிப்பாளர் அர்ச்சனா கல்பாத்தி தனது ட்விட்டர் பக்கத்தில் உறுதி செய்துள்ளார். இப்படத்துக்கு யுவன் ஷங்கர் ராஜா இசையமைக்கிறார். இது தொடர்பான அறிவிப்பு வீடியோ ஒன்றையும் படக்குழு வெளியிட்டுள்ளது. இதன் மூலம் ‘பிகில்’ படத்துக்குப் பிறகு மீண்டும் ஒரு விஜய் படத்தை ஏஜிஎஸ் நிறுவனம் தயாரிக்கிறது.